As especificacións técnicas da base espacial BTG10 atópanse recollidas no apartado de Produtos cartográficos - Base topográfica de Galicia 2016.

Cómpre salientar que se trata dunha base composta por 23 capas de información, na que se recollen como datos máis salientables: 35.596 entidades de poboación, 1,4 millóns de edificacións, 34.000 km de estradas, 39.000 km de ríos, 6.971 elementos patrimoniais ou 28.000.000.000 puntos con información altimétrica.

Desde hoxe o visor básico e o visor de descargas están dispoñibles para usar en dispositivos móbiles (Android, iOS...).

Esta adaptación irase realizando tamén, no sucesivo, para o resto dos visores co fin de facilitar o seu uso.

O Instituto de Estudos do Territorio da Consellería de Medio Ambiente e Ordenación do Territorio en colaboración coa Axencia para a Modernización Tecnolóxica de Galicia vén de presentar a nova base topográfica galega (BTG10) na xornada sobre avances da información xeográfica no ámbito autonómico e municipal, celebrada o pasado mes marzo na cidade de A Coruña.

A Consellería de Medio Ambiente e Ordenación do Territorio a través do Instituto de Estudos do Territorio coa colaboración da Axencia para a Modernización Tecnolóxica de Galicia (Amtega), vén de incorporar ao centro de descargas distintos arquivos da nova base topográfica de Galicia.

Nas seguintes ligazóns pode accederse ás presentacións realizadas nesta xornada dende o Instituto de Estudos do Territorio en relación co novo Decreto 14/2017, do 26 de xaneiro, polo que se aproba o Regulamento de ordenación da información xeográfica e da actividade cartográfica de Galicia e coa nova base cartográfica BTG10.

A xornada está organizada polo Instituto de Estudos do Territorio da Consellería de Medio Ambiente e Ordenación do Territorio e nela ofrecerase unha visión das tecnoloxías para a xestion da información xeográfica, presentarase a nova base cartográfica galega (BTG10) e expórtanse os detalles do novo Regulamento de ordenación da información xeográfica e da actividade cartográfica de Galicia.

Nestes días púxose en produción unha nova versión do portal de información relativa aos instrumentos de planificación urbanística SIOTUGA. A primeira novidade é a publicación dos servizos WMS de cada planeamento municipal para a utilización da súa cartografía a través de ferramentas SIX ou a partir doutros visores web. Deste xeito, a información urbanística de Galicia pódese combinar con calquera outra capa de información que desexe o usuario.

O proceso de participación pública para a elaboración das Directrices da Paisaxe tivo lugar entre o 25 de febreiro e o 21 de abril deste ano coa finalidade de recoller a opinión da cidadanía en relación aos obxectivos de calidade paisaxística, é dicir, as preferencias da poboación para a paisaxe da súa contorna, así como sobre as accións de protección, xestión e ordenación da paisaxe desexadas pola xente.

A Consellería de Medio Ambiente e Ordenación do Territorio, a través do Instituto de Estudos do Territorio (IET), vén de poñer en marcha un sistema para o seguimento e análise da evolución e os cambios que se producen nos usos e coberturas do solo (visor de ocupacion do solo), unha información básica para avanzar no camiño da ordenación do territorio.

O obxectivo da xornada é difundir entre os profesionais, empresas e institucións os avances tecnolóxicos e metodolóxicos que se están a producir nas características das Bases de Datos Xeográficas a nivel nacional, autonómico e local.

Dirixido a profesionais e empresas que realizan traballos sobre o territorio, técnicos de Concellos, Deputacións e administración autonómica, así como outros organismos e institucións que traballan con bases topográficas e cartográficas e público en xeral con interese no ámbito da produción e acceso á información xeográfica.