O director do Instituto de Estudos do Territorio (IET), Manuel Borobio, vén de reuniurse con representantes dos Concellos de Santiago de Compostela, A Coruña, Ferrol e Ourense para traballar na aplicación das especificacións da Base Topográfica Urbana de Galicia (BTUG).

Lalín (Pontevedra), 23 de xullo de 2013.- O director do Instituto de Estudos do Territorio, Manuel Borobio, presentou hoxe en rolda de prensa, xunto ao concelleiro de Urbanismo do Concello de Lalín, Román Rodríguez, o Obradoiro Internacional sobre Deseño e Planificación da Paisaxe no rural (Workshop: Rural Landscape Planning and Design).

Santiago, 1 de xullo de 2013.- O conselleiro de Medio Ambiente, Territorio e Infraestruturas, Agustín Hernández, destacou esta tarde que Galicia contará por primeira vez na súa historia cun regulamento de ordenación da actividade cartográfica.

Santiago, 17 de xullo de 2013.- O director do Instituto de Estudos do Territorio (IET), Manuel Borobio, presentou hoxe o balance da actividade e xestión do IET ao Consello Reitor.

Están dispoñibles os servizos WMS (Web Map Service) e WFS (Web Feature Service) do Plan de Ordenación do Litoral de Galicia. Acabamos de publicar a derradeira versión destes servizos OGC cos datos da Aprobación Definitiva do Plan.

O Instituto de Estudos do Territorio (IET), organismo dependente da Consellería de Medio Ambiente, Territorio e Infraestruturas, mediante a colaboración con distintos departamentos da Xunta e concellos permitíu un aforro de 2,2 millóns de euros no ano 2013 nas administracións galegas. Así o explicou o director do IET, Manuel Borobio, no Consello Reitor do Instituto de Estudos do Territorio.

Santiago, 13 de agosto de 2012.- O director do Instituto de Estudos do Territorio, Manuel Borobio, avanzou esta mañá en rolda de prensa que a Xunta publicará en 2012 dous novos manuais de boas prácticas relativas á paisaxe galega, co obxectivo de orientar e facer recomendacións sobre as actuacións que se realicen nos núcleos rurais e nos areais de Galicia. Este é un dos fitos que o Goberno actual pretende conseguir ao longo deste ano, sinalou o director do Instituto de Estudos do Territorio durante a rolda de prensa de balance da Estratexia Galega da Paisaxe.

Publicación no DOG (21/10/2009) do Decreto 394/2009, do 8 de outubro, polo que se modifica o Decreto 148/2003, do 9 de xaneiro, polo que se crea a Comisión de Coordinación de Sistemas de Información Xeográfica e Cartográfica.

Publicado o Servizo Web de Mapas (WMS) da ortofotografía aérea do Plan Nacional de Ortofotografía Aérea (PNOA) correspondente ao voo realizado entre os anos 2006 e 2008.

Na última actualización da Web foi incorporado o Plan Xeral de Ordenación Municipal de Vilamartín de Valdeorras, segundo a Orde do 13 de decembro de 2013, e o planeamento de desenvolvemento dos concellos de Laxe e Ponte Caldelas.

Incorporáronse tamén modificacións puntuais de planeamento de desenvolvemento do concello de Santiago de Compostela, o Plan de Sectorización do concello de Cambre e delimitacións de Núcleo Rural nos concellos de Becerreá e Lobeira.